وجاءت اهم التعليقات والاراء حول الموضوع على موقع التواصل الاجتماعي الفيسبوك لتوضح ذلك
استاذ علي قيس
السنا من قلنا انها شركة سمسارة وانها متعاقدة بالباطن مع شركة أتنا اكبر شركات التأمين الصحي وان المبالغ التي تدفع هي اكبر من الحقيقية بكثير؟ بنفسي قدمت طلباً في برنامج الخط الساخن مع الاعلامي محمد الحمد في قناة افاق وقد تحدث باسهاب عنه... أتمنى ان تستطيع اللجنة العليا ابرام عقد مع شركة أتنا للتأمين بأسرع ما يمكن ومتأكد سوف يجدون هنالك فرق كبير بالارقام. وسوف يرتاح الطلبة لان الوضع سوف يسبب الكثير من الارباك للطلاب واللجنة في معالجة قضايا ومشكلات التامين الصحي.
استاذ وسام حامد
قرار اللجنة العليا صائب جدا وذلك لتجنب الاشكالات ولكي تكون الجامعات هي المسؤولة عن التأمين الصحي للطلبة . انا اتفق مع اللجنة العليا تماما وهذا القرار ممتاز جدا
استاذ حيدر فاضل - جامعة كولولاردو
انا اليوم سألت بالجامعة مالتي والموظفة المختصه كالت اللجنة بعثت رساله للجامعه تطلب توفير ضمان للطلبة وعوائلهم والجامعة ردت على اللجنة انو ماكو ضمان للعوائل وطلبت الجامعه من اللجنة ان توفر ضمان لعوائل الطلبة بس اللجنة ماردت على الجامعه. زين هل من المنطقي ان الطالب يسوي ضمان ويا الجامعه وعائلته تسوي ضمان مع شركة اخرى طيب هذا راح يدخلنا في دوامه . طيب الوضع الجديد راح يحسب الضمان ضمن الاجور الدراسية للطالب ؟ زين واذا الاجور الدراسية كانت عالية اصلا بهاي الحاله شلون؟؟؟؟ الطالب يتحمل الفرق ؟ والله هاي الشغلة كلش مدوختني واني اصلا شغلة الضمان القديم سوتلي علة لان كل فترة يدفعوني 300 دولار. والله الشعب العراقي مسكين تشوفنا دوم خايفين اذا تأخر الراتب اسبوع نكوم نرجف. مو لان ماعدنا فلوس بس لان خايفين من المستقبل المجهول. اذا الضمان دزلنا قائمة نكوم نضرب اخماس باسداس واخوانا من الخليج يجون يكضولهم سنتين باللغةوكل صيف يزورون بلدهم والتذاكر مدفوعة بعدين الضمان مالتهم يغطي كلشي اسنان وعيون وغيرها . بالعافيه عليهم والله يسهل امرنا.
استاذ سيروان جعفر
والله الشغلة اجحاف بحق الطلبة العراقيين واللي هم اعتقد انجح طلبة بفضل الله / و هاي الشغلة استهانة بابسط حقوق الطلبة / و شنو فرقنا عن باقي الطلبة من باقي الدول/ شو الطلبة السعوديين على سبيل المثال تامينهم الصحي يغطي كلشي/ و هذا يجعل كل طلبة العالم افضل من عدنا من ناحية التسهيلات والخدمات/ كولولي هسه واحد اذا صار بيه شي لا سامح الله وين ينطي وجهه/ يلتهي يدفع لو يلتهي بالدراسة / والله عجيبة
ويبقى الموضوع الان حسب تعليمات اللجنة محصورا بين الطالب والجامعه وبهذا الامر دخل الطالب في دوامة ومشاكل جديدة في غنى عنها في بلد مغترب وفي الوقت الذي يطالب فيه وقفه حقيقية وابوية وداعمه له من قبل الحكومة للتقدم والابداع
نسخة من تعليمات اللجنة من هنا